‘t Geet weer loos in Waskuupstad reppe wi-j al 'n hötje. Maor ook wi-j as vereniging zun ons bewus van de huidige maatschappelijke situatie en de toenèmmende aantalle coronabesmettinge. 

As d'Olde Waskupen organisere wi-j nog altied vri-jdagaovend 12 en zaoterdagmiddag en aovend 13 november mooie en verantwoorde jubileumpronkzittinge. De pronkzittinge gaon deur!

Zoas bekend zun onze novemberpronkzitting zittend in 'n sporthal waor wi-j 'n strik deurbeleid met 'n coronatoegangsbewies en legitiematiebewies hantere veur zowel bezuukers as de medewarkers. Ook warke wi-j met 'n 'bron-contactonderzoek formulier' dat ingevuld mot wodde. Daarbi-j is d'r 'n verplichte plaatsbesprèking den op woensdagaovond 10 november in de Gracht plaats vindt waordeur iedere carnavalis 'n vaste zitplek het.

Wi-j doen natuurlijk 'n beroep op 't gezonde verstand van iedereen. A-j gezondheidsklachte heb, verzuuke wi-j ow um dit fees aan ow veurbi-j te laote gaan en thuus te blieve. Ow gekochte toegangskaart ku-j beware. Hierin komme d’Olde Waskupen ow tigemoet. De gekochte kaart is ow toegangskaart veur de pronkzitting van 2022.

As regelgèving vanuut de eûverheid of gemeente anders aangève, dan gaon wi-j hier natuurlijk aan voldoen. Wi-j kieke desalniettemin uut naor 'n feestelijk weekend met onze jubileumpronkzittinge!