Op zaoterdag 19 en zondag 20 fibrewari kump DJ Elmo in actie met 'n heuse 33 uur durende Carnaval Livestream. Met deze livestream könne veur 'n donatie verschillende verzuuknummers wodde ingediend um deur Elmer en Nathalie te wodde gedrèè-jd. En d'r gebeurd nog vol meer waorbi-j ook Jeugprins Xavi I en Prins Erik II in actie komme. De complete opbrengs van deze actie kump ten goede aan stichting Bergh in het Zadel veur meer onderzuuk in de strijd tege de ziekte kanker. 

Vanwège 't aanholdende coronavirus en de bi-jbehörende maatregele het carnavalsverenging d'Olde Waskupen besloate um met 't normale carnavalsweekend, end fibrewari, gin fees te holde zoas dat gebruukelijk is.
Daorop is in samespraak met de plaatselijke horeca en gemeente Montferland besloate um 't 66ste carnavalsfees te verplaatse naor juni van dit jaor. 

Dirk Hövelmann was in 1983 jeugprins van d’Olde Waskupen. Hij regeerde as prins Dirk I over Waskuupstad met 't motto "Vuutje veur vuutje".
In onze serie "Kenne gullie deze nog?" nemme wi-j ollie aan de hand van 'n foto met in 't digitale archief van d'Olde Waskupen. Daorbi-j vraoge wi-j dan ook um ollie hulp um dat archief nog completer te make. De veurgaonde dele zun, met dank aan de metdenkers die d'r veur gezörg hebbe dat al veel meer name bekend zun, bizunder succesvol verlope. Now deel 13.

Erik Krijgsman is met 't pronkzittingsweekend geprissenteerd as jubileumprins van d'Olde Waskupen.
Same met zien bruurs Danny en Rob as adjudante regeerd hij 't kommende jubileumjaor eûver Waskuupstad.

Helaas motte wi-j tot onze spiet melde dat onze pronkzitting zaoterdagaovend niet deur kan gaon.
De maatregele die deur de regering in de persconferentie zun afgekondig veur zittende evenemente, waordeur deze maor tot 18:00 uur magge dure, hebbe tot dit besluut geleid.
De carnavaliste die 'n toegangskaart veur deze zaoterdagaovend hebbe gekoch könne deze beware en volgend jaor inruile veur 'n toegangskaar veur de novemberpronkzitting van 2022.

Maor wi-j zolle d'Olde Waskupen niet zun as wi-j niet ook met 'n passend alternatief zolle komme en snel schakele veur de zaoterdagaovend. Op dit moment wödt d'r deur Stads TV Bergh hard gewark aan de montage zodat wi-j ollie de opname van de pronkzitting van vri-jdagaovend könne tone. Vanaf 20:00 uur is 't de bedoeling um beelde van de pronkzitting uut te zende op het Youtube-kanaal van Stads TV Bergh. Vanaf de bank met 'n drankje en hepke könne gullie zo thuus onze jubileum pronkzitting (her)belève.

De jeugpronkzitting op zaoterdagmiddag geet wel deur! Nao maonde oefene könne de jonge carnavaliste hun dans en zangtalent gelukkig nog wel laote zien.
Met de jeugpronkzitting wödt de jubileumjeugprins geprisenteerd. De pronkzitting begint um 13:30 uur en de zaal is vanaf 12:30 uur los. De jeugpronkzitting duurt tot ongeveer 15:30 uur.
Net zoas de vri-jdagaovend gelde ook veur deze jeugpronkzitting strikte regels. Vanaf 13 jaor en older motte bezuukers en medewarkers 'n coronatoegangsbewies en ID-kaart laote zien.
Ook bi-j deze jeugpronkzitting mot 'n bron- en contacformulier ingevuld wodde. Deze ku-j veuraf al uutprinte via deze link en deels ingevuld metnemme naor de zaal.
't Publiek nimp zittend plaats in de zaal en daorbi-j hantere wi-j 'n beperkte capaciteit zodat d'r genoeg ruumte is um te zitte. Vol = vol!

Kom op tied naor de hal, zodat d'r op tied aan de jeugpronkzitting kan wodde begonne. Blief bi-j klachte thuus!