d'Olde Waskupen zun d'r bli-j mee dat wi-j veur de kommende wèèk 'n mooi alternatief carnavalsprogramma hebbe bedach.
't Straotversiering is helaas 'n activiteit welke wi-j as vereniging dit jaor afraoje. Maor daorveur in de plaats hebbe de Old Prinse 'n alternatief bedach!
Carnavalsvereniging d’Olde Waskupen het eur oldste lid verloare. Op 28 jannewari jl. is Thijs Bloemendaal eûverleje op 90-jeurige lèèftied. Carnaval viere en met organisere was iets waor Thijs zich graag met bezig hield. Hij was 'n aanjager in zien buurt van de Boavesteenakkers en mede daoreur kwam hij in beeld bi-j d’Olde Waskupen. In de lejevergadering van 18 september 1972 wier hij benuump tot warkend lid van de vereniging. Deur zije technische vaardighede wier hij opgenomme in de Technische Commissie. In de periode van 1973 tot en met 1981 miek hij deel uut van de Raod van XI. 'n Groot deel van den tied binne de Raod van XI vervulde hij 't penningmeesterschap. As adjudant stond hij in 1985 Prins Theet I terzijde. Vol jaore verzörgde Thijs via zien bedrijf de onderscheidinge veur de jeugprinse. Bi-j de bouw van de eerste Gerrit Heuvelinghal van 1994 tot 1996 was hij de kantinebaas en met zien starke koffie wier hij beroemp bi-j de bouwers. Ook nog vol jaore daornao blef hij als zodanig actief. 't Lag dan ook veur de hand dat hij in 1990 wier beloond met de onderscheiding Commandeur in de Orde van d’Olde Waskupen. Zien benuuming tot erelid en senator volgde in 1995. Met weinig woorde en zeer vol dade maakte hij zich gelief bi-j alle warkende leje van de carnavalsvereniging d’Olde Waskupen. Hoewel zien lèèftied 'm belette nog actief aan 't verenigingslève deel te nemme wilde hij graag met regelmaot bi-jgepraot wodde eûver 't reile en zeile binne de club. Op den manier hiel hij zien starke band met de vereniging in stand.
Wi-j wense zien kindere en kleinkindere heel vol starkte bi-j 't verwarke van dit grote verlies.
Carnaval steet veur de deur. en Carnavalsvereniging d’Olde Waskupen wille ollie 't carnaval en 't carnavalsgevuul niet ontnemme en hebbe 'n alternatief programma gemaak (zie hierveur elders op deze site).
Maor ook holle wi-j ons achter de scherme al bezig met 't jubileumcarnavalsjaor 2021 - 2022 en hierveur ku-j 't motto bedenke!
In eûverleg met d'Olde Waskupen het de Timp dit jaor 2 feestelijke carnavalskiste samegesteld. De kiste zitte alderbarstends vol met lekkers en Waskupengrei zoda-j d'r thuus 'n mooi carnavalsfees met könt make. In de webshop lèès gi-j wat d'r allemaol in zit.
Gi-j könt kieze uut 'n kis van € 55.- en 'n kis van € 77.-. 'n Deel van de opbrengs is veur de vereniging en daormet 't carnaval in Waskuupstad. De kis wödt deur de Timp bi-j ow thuus afgeleverd.
Bestel dus gauw zo’n gèèf kiske via https://loatownietkisten.nl/product/carnavals-kist/ en vier thuus 'n feestelijk carnaval.
Let op da-j bi-j opties 'n Waskupen 55 of Waskupen 77 aanklik, zoda-j ook zeker wet da-j de goeie kis krieg.
Wi-j lève in 'n bizarre tied. Dit carnavalsjaor geet ook bi-j d’Olde Waskupen de boeke in as 'n tied van weinig activiteite en vol vraogtekes. Vanwège de COVID19-maatregele gaon vol gebruukelijke activiteite niet deur. Carnavalsvereniging d’Olde Waskupen wille ollie 't carnaval en 't carnavalsgevuul echter niet ontnemme en hebbe 'n alternatief programma gemaak. Dit alles onder veurbehold. As vereniging respectere wi-j de maatregele die ons vanuut de eûverheid zun opgelei-jd en verzuuke de carnavaliste in Waskuupstad zich hier dan ook aan te holde.
Helaas dit carnavalsjaor gin optochte in Waskuupstad. De optochcommissie het daorum 't idee um 'n digitale optoch te holde.
Op zondag 14 fibrewari is d'r online 'n digitale optoch te zien, maor daornaos wil de optochcommissie probere ook de etalages van de winkelpande in 't centrum van Waskuupstad aan te kleje met foto's van de schitterende creaties die ieder jaor met carnaval deur onze stad trekke. Of foto's van de verschillende buurte en straote die ieder jaor trouw hun buurt of straot versiere.
Op deze manier wille ze 't centrum met de carnavalsdage feestelijk aankleje. Dit alles is alleen te doen as d'r genoeg materiaal binne kump en daorveur hebbe wi-j ollie hulp neudig.
In naovolging van de brief den al is rondgestuurd naor carnavalsgroepe, buurte en straote röp de optochcommissie op foto's te sture naor
Natuurlijk hebbe wi-j te make met de AVG-wetgeving. Met 't insture van de foto wödt ook meteen toestemming (veur alle minse op de foto) gegève um deze foto te gebruuke.