In de tied van jeugprins Wim den Brok (1973) was 'n kleurenfoto nog bes bizunder. In onze serie "Kenne gullie deze nog?" nemme wi-j ollie aan de hand van 'n foto met in 't digitale archief van d'Olde Waskupen.
Daarbi-j vraoge wi-j dan ook um ollie hulp um dat archief nog completer te make. De veurgaonde dele zun, met dank aan de metdenkers die d'r veur gezörg hebbe dat al vol meer name bekend zun, bizunder succesvol verlope. Now deel 12 met dit keer zelfs meerdere afbeeldinge.
d'Olde Waskupen besteet in oktober 66 jaor. 'n Mooie mijlpaol. Wi-j hoape vanaf den tied met verschillende festiviteite 't jubileumcarnavalsjaor te könne viere.
Ondertusse zun d'r vol minse druk met 't make van 'n ni-j jubileumboek den in oktober uut geet komme. De meeste van ollie hebbe de twee veurgaonde versies vas en zeker in de kas staon. A-j daor deur heer blader kommie van alles tege eûver 't carnaval in Waskuupstad deur de jaore heer. 't Kommende jubileumboek geet wiejer waor 't letste boek eindigde en beschrif de jaore vanaf 1999 tot now. As carnavalis heb gi-j de meugelijkheid um ow as sponsor in te schrieve en ow daormet te verzekere van 't kommende jubileumboek.
In oktober start 't 66e carnavalsjaor van carnavalsvereniging d”Olde Waskupen.
'n Speciaal jaor met bizundere activiteite en 'n jaor waorin 'n jubileumprins natuurlijk niet mag ontbrèke. Now de eerste groepe minse de prik tege 't coronavirus hebbe gehad, zöt de wereld d'r naor verwachting vanaf de start van 't jubileumjaor, in oktober vam dit jaor, heel wat rooskleuriger uut. De bedoeling vanuut de vereniging is dan ook um 'n volledig en feestelijk carnavalsprogramma te organisere. Hierveur is binne de vereniging 'n drèèiboek gemaak.
Wat is d'r mooier dan um dit carnavalsjaor as hoogheid van onze vereniging veur te magge gaon in 't geweldige carnavalsfees dat ons stadje riek is. 'n Aantal persone hebbe deze eer al 's gehad en vertelle met regelmaot in geure en kleure eûver hoe prachtig deze ervaring is gewèès. Wie wet bun gi-j de volgende den dalijk bi-j deze groep mag heure.
As 't carnavalsjaor deur maatregele niet op de gebruukelijke manier gevierd kan wodde, dan is de gekoaze kandidaat automatisch nog 'n jaor prins um zo alle onderdele van 't prinsschap met te könne make. Details hiereûver wodde met 't eerste gesprek met 't bestuur besproake.
Wod gi-j onze prins veur 't jubileumjaor van d'Olde Waskupen? Kandidate könne zich aanmelde deur 'n e-mail te sture naor de veurzittervan de Raod van XI Dit E-mail adres wordt beschermd tegen spambots. U moet JavaScript geactiveerd hebben om het te kunnen zien. . Misschien stao gi-j dan met de conclaafvergadering kommende juni op de kieslies!
Martin Vroom was in 1981 jeugprins van d'Olde Waskupen….. 40 jaor geleje. Hij regeerde as prins Martin I eûver Waskuupstad met 't motto "Wat duch ow". In onze serie "Kenne gullie deze nog?" nemme wi-j ollie aan de hand van 'n foto met in 't digitale archief van d'Olde Waskupen. Daorbi-j vraoge wi-j dan ook um ollie hulp um dat archief nog completer te make. De veurgaonde dele zun, met dank aan de metdenkers die d'r veur gezörg hebbe dat al vol meer name bekend zun, bizunder succesvol verlope. Now deel 11.
Aan de reacties zowel online as offline hebbe wi-j gemark dat gullie genoate hebbe van de eerste editie van de digitale carnavalsquiz. "n Kleine duuzend minse schakelde vri-jdagaovend in um te kieke en met te doen. De jury het alle ingestuurde formuliere bi-j mekaar gevoeg en daoruut is 'n uutslag gerold. Huisje Stavelot en Marlous zun allebei met 't eigeste punte aantal boavenaan geeïndig. Zi-j magge zich de 'alwettende carnavaliste' nuume.
De volledige lies met punte en deelnemmers is hier te lezen.
