Zaoterdagmiddag 4 november begon de zaal al 'n uur veur aanvang van de pronkzitting vol te lope met enthousiaste kindere, vaders, moeders en natuurlijk de vele opa’s en oma’s die absoluut niks van de jeugpronkzitting wilde misse. D'r hing 'n gezonde spanning in de carnavalshal. Welke programmapunte zolle de carnavaliste straks op de bühne te zien kriege en wie wödt de ni-je jeugprins?

Beste jonges en mèèdjes uut Waskuupstad!

Nog efkes geduld, maor langzaam kruupe gullie naor de zommervakantie toe. Nao deze vakantie begint de Carnavalsvereniging d’Olde Waskupen alweer met de veurbereiding op de Jeugpronkzitting den op 4 november wödt geholde. Hol gi-j van toneelspel, danse en zinge dan is dit ech iets veur ow!

Vanaf now kan iedereen zich opgève via de website van d’Olde Waskupen!

Graag wille wi-j ollie laote kennismake met de Mini Dansgarde! 

Joyce van Gessel en Ilse Neijenhuis starte ieder jaor in de maond maart met 'n groep jonge meide. In één groep danse 8 mèèdjes vas en zun 2 mèèdjes reserve. De reserves hebbe 'n belangrijke functie binne de groep, want zi-j motte op iedere plek könne dansen. Helemaal as d'r iemand uutvilt met de pronkzitting. Dan is snel schakele van belang en geleuf maor dat ze dat könne. Goed traine wödt altied beloond! 

't Is alweer 'n maond geleje dat jeugprins Timo en zien gevolg op dinsdagmiddag de pop in brand stake. Daormet kwam aan 'n geweldig jeugcarnaval 'n end. Hoe is h't now um jeugprins te zun? Wat te denke van adjudant, dansmarietje, nar of lid van de Raod van XI? De jeugridaktie van d'Olde Waskupen het Timo gevraog naor wat hij van deze prachtige periode als jeugprins het gevonde.